1.gr. Nafn
Félagið heitir Kennarafélag Reykjavíkur

2. gr. Aðild
Félagið er aðili að Félagi grunnskólakennara í Kennarasambandi Íslands

3. gr. Hlutverk
Hlutverk félagsins er
• að vera málsvari félagsmanna sinna og vinna að bættum kjörum þeirra og
starfsskilyrðum.
• að fara með hagsmuni félagsmanna í samskiptum við skólana og vinnuveitendur
• að koma að gerð vinnustaðasamninga, sbr. 2. mgr. 4. gr. laga FG
• að halda fundi og námskeið fyrir trúnaðarmenn, og sbr. 2. mgr. 4 gr. laga FG
• að halda félagsfundi
• að hafa samstarf við önnur svæðafélög FG og aðildarfélög KÍ um sameiginleg mál
• að annast kjör fulltrúa á aðalfund FG að annast kjör fulltrúa á þing KÍ í samráði við stjórn FG

4. gr. Félagsaðild :
Þessir eiga rétt á að vera í Kennarafélagi Reykjavíkur:
Allir þeir félagar í FG/KÍ á félagssvæðinu sem starfa við kennslu eða ráðgjöf í grunnskólum og FG/KÍ semur fyrir samkvæmt lögum nr. 94/1986.
Starfsmenn KÍ og þeir sem vinna uppeldis- og kennslutengd störf við stofnanir sem þjóna grunnskólum og / eða þiggja laun sem miðuð eru við kjarasamning FG/KÍ

5. gr. Stjórn
Stjórn félagsins skipa 7 menn:
• Formaður,
• varaformaður,
• ritari,
• gjaldkeri
• þrír meðstjórnendur.

Kjörtímabil stjórnarmanna er tvö ár.
Kosning skal bundin við uppástungur og leynileg sé þess óskað.
Kosning skal fara þannig fram:
• Kosinn formaður.
• Kosnir þrír menn í stjórn.
• Kosnir tveir skoðunarmenn reikninga og tveir til vara.
Á fyrsta stjórnarfundi eftir aðalfund skal stjórnin skipta með sér verkum. Formaður kveður til stjórnarfunda svo oft sem hann telur þörf á eða eftir ósk a.m.k. þriggja stjórnarmanna.
Sérákvæði: Hætti stjórnarmaður á fyrra ári kjörtíma síns skal á næsta aðalfundi kjósa annan í hans stað til eins árs.

6. gr.Trúnaðarráð
Starfandi skal vera trúnaðarráð.
Trúnaðarráð skal skipað stjórn ásamt trúnaðarmönnum KÍ í grunnskólum á félagssvæðinu.
Kosning trúnaðarmanna fer samkvæmt reglum um trúnaðarmenn KÍ. Sé enginn trúnaðarmaður í skóla, hefur stjórnin heimild til að skipa fulltrúa þar til kosning hefur farið fram. Trúnaðarráð skal vera stjórninni til ráðuneytis milli aðalfunda.
Félagsstjórn skal halda minnst fjóra trúnaðarráðsfundi ár hvert, tvo á tímabilinu sept.- des. og
tvo á tímabilinu jan.- maí og oftar ef þurfa þykir.
Skylt er að kalla saman trúnaðarráð ef minnst 1/6 hluti trúnaðarmanna æskja þess bréflega og tilgreina fundarefni.
Starfa skal öryggistrúnaðarráð með 12 kjörnum öryggistrúnaðarmönnum og 12 til vara. Verkefni ráðsins skal vera að halda uppi fræðslu og umræðu um vinnuverndarmál og kalla til fundar alla öryggistrúnaðarmenn a.m.k. einu sinni á ári.
Móta stefnu KFR um vinnuvernd og eiga samstarf við Vinnueftirlit Ríkisins á grundvelli laga nr. 46 /1980. Stjórn félagsins skal kalla saman öryggistrúnaðarráð a.m.k. tvisvar á ári.

7. gr. Aðalfundur
Aðalfund skal halda eigi síðar en í apríl ár hvert og skal til hans boða með minnst sex daga fyrirvara. Fundurinn er lögmætur sé löglega til hans boðað.
Verkefni aðalfundar eru:
• Skýrsla stjórnar um starf félagsins á liðnu starfsári.
• Gjaldkeri leggur fram reikninga félagsins.
• Lagabreytingar.
• Kosning stjórnar og skoðunarmanna reikninga skv.

8. gr. Almennir félagsfundir
Almenna félagsfundi skal halda svo oft sem þurfa þykir eða ef 8 af hundraði félagsmanna óska þess bréflega og tilgreina fundarefni. Félagsfundi skal boða með minnst þriggja daga fyrirvara ef auðið er á sama hátt og aðalfund.

9. gr. Reikningsár
Reikningsár félagsins er almanaksárið. Endurskoðaðir reikningar liggi frammi á skrifstofu félagsins a.m.k. 6 dögum fyrir aðalfund

10. gr. Lagabreytingar
Lögum þessum má breyta á aðalfundi með 2/3 hluta atkvæða þeirra sem á fundi eru enda hafi fyrirhuguð lagabreyting verið auglýst í fundarboði.

11. gr. Uppstillingarnefnd
Uppstillingarnefnd þriggja manna skal kosin á aðalfundi og starfa milli aðalfunda.
Uppstillingarnefnd skal leggja fram tillögu um
• Formann
• stjórnarmenn
• skoðunarmenn reikninga Kennarafélags Reykjavíkur.
Uppstillingarnefnd skal í störfum sínum leitast við að fá fulltrúa ólíkra hópa til trúnaðarstarfa fyrir félagið.
Niðurstöður uppstillinganefndar skulu liggja fyrir 3 vikum fyrir aðalfund KFR og auglýstar í fundarboði.
Uppstillingarnefnd skal í samráði við stjórn Kennarafélags Reykjavíkur leggja fram tillögur um hvernig skuli staðið að vali fulltrúa félagsins á aðalfund FG.
Tillögur uppstillingarnefndar skulu liggja fyrir einum mánuði fyrir aðalfund FG og auglýstar í fundarboði.

12. gr. Gildistaka
Lög þessi öðlast þegar gildi
Samþykkt á Aðalfundi félagsins 30 apríl 2008