Dagan 8.-22. mars verður sýning í Ráðhúsi Reykjavíkur undir yfirskriftinni „Sjálfbær þróun á heimsvísu - Máttur einstaklingsins til breytinga á umhverfi sínu“. Efni sýningarinnar er æskan og jarðarsáttmálinn og gefst kennurum kostur á að panta leiðsögn um sýninguna fyrir skólahópa. Sýningin er samstarfsverkefni á milli UNDP, UNEP, Earth Council, Earth Charter Initiative og Soka Gakkai International SGI. Tilgangur sýningarinnar er að vekja fólk til umhugsunar um mikilvægi sjálfbærar þróunar og umhverfisverndar.

Sýningin hefur verið sett upp hér á landi á nokkrum stöðum síðastliðið eitt og hálft ár.

Fyrsta sýningin á Íslandi var haldin í Menningarhúsi Hafnarfjarðar22. september til 7. október 2007. Þangað komu 500 skólabörn ásamt kennurum sínum auk fjölda annarra gesta.

Næsta sýning var í Perlunni 25. - 26. apríl 2008 í tengslum við umhverfissýninguna Vistvænn lífstíll sem Umhverfisráðuneytið, Úrvinnslusjóður og SORPA efna til. Sýningin á að vekja athygli fólks á þeim vistvænu vörum og þeirri þjónustu sem nú þegar er hægt að nálgast til að viðhafa vistvænan lífsstíl.

Sýningin var þá sett upp í Kennaraháskóla Íslands 16. maí - 2. júní 2008. Á meðan að þeirri sýningu fór fram voru eftirfarandi viðburðir í Kennaraháskólanum; samnorræn ráðstefna um tengsl kennaramenntunar og skólaþróunar 21. - 24. maí 2008, málþing um kennaramenntun á tímamótum 29. maí 2008 og Rannsóknarstofa í barna- og æskulýðsfræðum var stofnuð 2.. júní 2008. Þátttakendur í þessum viðburðum voru um 630 talsins.

Síðan fór sýningin til Akureyrar og var sett upp í Síðuskóla 7. - 18. nóvember 2008. Þá fór hún á Glerártorg og var þar fram í desember þegar hún flutti aftur í Síðuskóla og var þar til 15. desember 2008.

Næsta sýning fer fram í Ráðhúsi Reykjavíkur, eins og fyrr segir, dagana 8. - 22. mars 2009.

Nánari upplýsingar um sýninguna eru á vef verkefnisins: Sjálfbær þróun á heimsvísu

Boðið verður uppá leiðsögn fyrir skólahópa fyrir hádegi virka daga.

Pantanir í síma: 698 1040