Niðurskurður í grunnskólum Reykjavíkur - Ályktun stjórnar SAMFOK 29.04.2009

,,Stjórn SAMFOK (samtök foreldra grunnskólabarna í Reykjavík) lýsir yfir miklum áhyggjum vegna  niðurskurðar á fjárframlögum til grunnskóla Reykjavíkur. Mikil uppbygging hefur átt sér stað í skólastarfi í Reykjavík á undaförnum árum. Má m.a. þakka hana Menntaráði Reykjavíkur sem hefur sýnt umtalsverðan metnað og framfaravilja í sínu starfi. Stjórn SAMFOK gerir sér grein fyrir að nauðsynlegt er að samfélagið sýni aðhald vegna efnahagsástandsins en telur mikilvægt að vernda með öllum ráðum þann árangur sem náðst hefur og setja menntun og velferð grunnskólabarna í forgang þegar kemur að úthlutun fjármagns. Stjórn SAMFOK hvetur kjörna ráðamenn Reykjavíkurborgar, skólasamfélagið og foreldra til að taka höndum saman og verja menntun og velferð grunnskólabarna með öllum tiltækum ráðum.”